ბარსელონა და ურუგვაელი ფეხბურთელი ახალ კონტრაქტზე დაახლოებით ერთი წელია რაც მუშაობენ, თუმცა მხარეები შეთანხმებას ამ დრომდე ვერ ახერხებენ. 25 წლის ურუგვაელს კლუბთან არსებული კონტრაქტი 2026 წლამდე აკავშირებს, შესაბამისად, თუ უახლოეს პერიოდში მხარეებს შორის ახალი ხელშეკრულება არ გაფორმდება, დიდი შანსია ბარსამ ფეხბურთელი უფასოდ დაკარგოს, რაც კლუბის გეგმებში რა თქმა უნდა არ შედის.
როგორც ესპანური გამოცემები წერენ, კატალონიური კლუბი რონალდ არაუხოს დაახლოებით €25-30 მილიონად აფასებს. იმის მიუხედავად, რომ ფეხბურთელის კარიერა ისე ვერ აეწყო, როგორც ვარაუდობდნენ, იმ თანხას რასაც ბარსელონა ითხოვს, დიდი შანსია ბევრმა კლუბმა მაინც გადაიხადოს.
ურუგვაელი ფეხბურთელი კატალონიური კლუბის ღირსებას 2018 წლიდან მოყოლებული იცავს. ამ დროში ფეხბურთელმა 150 მატჩის ჩატარება მოასწრო, გაიტანა 8 გოლი და 5 საგოლე გადაცემითაც გამოირჩა.
ზუსტად იდენტური სიტუაციაა ფრენკი დე იონგის შემთხვევაშიც — ბარსელონა და ფეხბურთელი ახალ ხელშეკრულებაზე ამ დრომდე ვერ თანხმდებიან, შესაბამისად სეზონის ბოლოს ნიდერლანდელის გაყიდვაც განიხილება.
