ოფიციალურად — ლამინ იამალმა ბარსელონასთან კონტრაქტი 2031 წლამდე გაახანგრძლივა! კატალონიურმა კლუბმა ამის შესახებ განცხადება სულ რამდენიმე წუთის წინ გაავრცელა.
სიახლეა ასევე 18 წლის ფეხბურთელის სათამაშო ნომერთან დაკავშირებითაც. ლამინ იამალი მომდევნო სეზონიდან ბარსელონას ახალი 10 ნომერი იქნება.
ლამინ იამალი ბარსელონას აკადემიის აღზრდილია, 2023 წლიდან მოყოლებული კი პირველი გუნდის ღირსებას იცავს. ესპანელმა ფეხბურთელმა ამ დროში 106 მატჩის ჩატარება მოასწრო, გაიტანა 25 გოლი და 34 საგოლე გადაცემითაც გამოიჩინა თავი.
