სულ რამდენიმე საათის წინ კი საინტერესო ინფორმაცია გავრცელდა იტალიურ პრესაში — ალ-აჰლი ვიქტორ ოსიმენის სანაცვლოდ €65 მილიონს იხდის და როგორც ირკვევა, ნაპოლი მზად არის ამ თანხის სანაცვლოდ ფეხბურთელს შეელიოს! ნაპოლისთვის ოსიმენის ტრანსფერის შემთხვევა იმდენად რთული აღმოჩნდა, რომ დე ლაურენტისი თანახმაა 25 წლის ფეხბურთელი მოთხოვნილ თავდაპირველ თანხაზე, ორჯერ ნაკლებად გაუშვას.
იმის მიუხედავად, რომ ნაპოლი და ალ-აჰლი შეთანხმებასთან ახლოს არიან, ოსიმენმა ჯერ არ იცის საუდის ლიგაში გადასვლა მისთვის სწორი ნაბიჯი იქნება თუ არა. უახლოეს საათებში ამ პოტენციურ გარიგებასთან დაკავშირებით, უფრო მეტ სიახლეს შევიტყობთ.
რაც შეეხება ჩელსის, არსენალსა და პსჟ-ს, ამ გუნდების ინტერესი კვლავ რეალურია, თუმცა ფეხბურთელის სანაცვლოდ შეთავაზების გაკეთებას გეგმავენ თუ არა, ჯერჯერობით უცნობია.
