როგორც მერსისაიდელების, ისე ლონდონელების მთავარი მიზანი ფორვარდის დამატება იქნება, ორივე გუნდის მთავარი სამიზნე კი ალექსანდერ ისაკია! დიახ, დადასტურებულად შეგვიძლია იმის თქმა, რომ ეს გუნდები შვედი ფორვარდის ტრანსფერზე აუცილებლად იმუშავებენ.
ნიუკასლში კარგად იციან, რომ 25 წლის ფეხბურთელის შენარჩუნება ზაფხულში ძალიან გაუჭირდებათ — თან ამ ყველაფერს გუნდის ჩემპიონთა ლიგაზე ვერ გასვლაც თუ დაემატა, "კაჭკაჭების" საქმე კიდევ უფრო გართულდება. სენტ ჯეიმს პარკის ბინადრები შვედ გოლეადორს დაახლოებით £150 მილიონად აფასებენ.
ამ მომენტისთვის უცნობია, რა სურს თავად ფეხბურთელს, თუმცა მასთან დაახლოებულ წყაროებს თუ დავუჯერებთ, იმ შემთხვევაში თუ ნიუკასლი ჩემპიონთა ლიგაზე ვერ გავა, შვედს გუნდის დატოვება ენდომება.
ზაფხულის სატრანსფერო ფანჯრის მოახლოებასთან ერთად, ლივერპული და არსენალი კიდევ უფრო მეტად გააქტიურებიან. მოსალოდნელია სხვა გუნდების საქმეში ჩართვაც, თუმცა დღევანდელი მოცემულობით, ფავორიტები ლივერპული და არსენალი არიან.
