გავლენიანი არგენტინული გამოცემები საკმაოდ მოულოდნელ ინფორმაციას ავრცელებენ — როგორც ცნობილი ხდება, ენცო ფერნანდესი მიმდინარე სეზონის დასრულების შემდეგ ჩელსის დატოვებას სერიოზულად განიხილავს და ამის შესახებ ლონდონურ კლუბსაც უკვე აცნობა! დიახ, 25 წლის არგენტინელი ნახევარმცველი ახალ გამოწვევას ეძებს და თუ რომელიმე ტოპ კლუბი მის დამატებას შეეცდება, საკმაოდ დიდი შანსია გარიგება შედგეს.
ფეხბურთელთან დაახლოებული წყაროები იმასაც ამბობენ, რომ ენცო ფერნანდესს ჩელსიში არსებული სიტუაცია არ მოსწონს და კლუბის დატოვების ერთ-ერთი მიზეზი შეიძლება ესეც გახდეს.
რაც შეეხება დაინტერესებულ კლუბებს, არგენტინელი შუახაზელი წარსულში ისეთ კლუბებს დაუკავშირეს როგორიცაა რეალ მადრიდი და პარი სენ-ჟერმენი, თუმცა უცნობია ეს გუნდები ფეხბურთელით კვლავ ინტერესდებიან თუ არა. რაც შეეხება სხვა კლუბებს, საქმეში საუდის ლიგის წარმომადგენლებიც არიან.
ზაფხულის სატრანსფერო ფანჯრის მოახლოებასთან ერთად, ენცო ფერნანდესის თაობაზე უფრო მეტი ინფორმაცია გახდება ცნობილი.
