ლონდონელები ზაფხულში რამდენიმე პოზიციის გაძლიერებას გეგმავენ. განიხილება 4-5 ფეხბურთელის დამატება, მათ შორის ახალი ვინგერისაც. დღეს გავრცელებული ინფორმაციის თანახმად, არსენალი ლეროი ზანეს ტრანსფერზე მუშაობს, მეტიც, მხარეებს შორის რამდენიმე კონტაქტი უკვე შედგა! მიკელ არტეტას გამოცდილი გერმანელი ვინგერი ძალიან მოსწონს.
ბაიერნი და ლეროი ზანე ახალ კონტრაქტზე ერთ წელზე მეტია, რაც მუშაობენ, თუმცა მხარეები შეთანხმებას ამ დრომდე ვერ ახერხებენ. ვენსან კომპანის ფეხბურთელის შენარჩუნება სურს, თუმცა უფროსობა შეტევის გადახალისებას გეგმავს და დიდი შანსია კლუბმა ლეროი ზანეს გაშვება გადაწყვიტოს. შეგახსნებეთ, 29 წლის ფეხბურთელი სეზონის ბოლოს თავისუფალი აგენტი ხდება.
ლეროი ზანე ბაიერნის ღირსებას 2020 წლიდან მოყოლებული იცავს. გერმანელმა ამ დროში 211 მატჩის ჩატარება მოასწრო, გაიტანა 59 გოლი და 50 საგოლე გადაცემაც შეასრულა. ფეხბურთელმა ბაიერნთან ერთად 6 ტიტულის მოგებაც მოასწრო.
გერმანელი ფეხბურთელის თაობაზე უფრო მეტი ინფორმაცია უახლოეს კვირებში გახდება ცნობილი.
