არსენალში ახალი სეზონისთვის მზადება დაიწყეს. კლუბმა პირველი ტრანსფერი უკვე დახურა — მარტინ ზუბიმენდი €60 მილიონის სანაცვლოდ "მეთოფეებში" ითამაშებს. თუმცა, მიკელ არტეტას გუნდი ამაზე გაჩერებას არ აპირებს.
დადასტურებულად — არსენალი როდრიგოს ტრანსფერზე მუშაობს! მხარეებს შორის პირველი კონტაქტი უკვე შეგდა, მეტიც, მიკელ არტეტას მოთხოვნით, ბრაზილიელი ფეხბურთელი ზაფხულის სატრანსფერო ფანჯრის ერთ-ერთი მთავარი სამიზნე იქნება.
როდრიგო, რომ რეალ მადრიდის დატოვებას სერიოზულად განიხილავს ამის შესახებ რამდენიმე კვირის წინ უკვე გაცნობეთ. ბრაზილიელი ფეხბურთელი ახალ გამოწვევას ეძებს, სამეფო კლუბში კი ფეხბურთელის პოტენიცურ შემცვლელს უკვე ეძებენ.
ბრაზილიელი ფეხბურთელის სიტუაციას ტოპ კლუბები ყურადღებით აკვირდებიან. ფაქტია, როდრიგო რეალის დასატოვებლად ემზადება, რაც იმას ნიშნავს, რომ უახლოეს პერიოდში 24 წლის ვინგერის თაობაზე უფრო მეტი ინფორმაცია გახდება ცნობილი.
