ჩოლო სიმეონეს გუნდი კრისტიან რომეროს ტრანსფერზე მუშაობს! მადრიდულ კლუბსა და არგენტინელი ფეხბურთელის წარმომადგენლებს შორის პირველი კონტაქტი უკვე შედგა, მეტიც, ესპანური კლუბი პირველ შეთავაზებასაც ამზადებს.
ტოტენჰემში ატლეტიკო მადრიდის ინტერესის შესახებ უკვე იციან და ისინი ფეხბურთელის შესანარჩუნებლად ყველაფერს გააკეთებენ. თუმცა, აქ უნდა ვისაუბროთ თავად არგენტინელი მცველის სურვილზე — როგორც მასთან დაახლოებული წყაროები ამბობენ, 26 წლის ფეხბურთელს ჩემპიონთა ლიგაზე სურს თამაში, რაც "დეზებს" საქმეს ურთულებს.
კრისტიან რომერო ტოტენჰემის ღირსებას 2021 წლიდან მოყოლებული იცავს. არგენტინელმა ამ დროში 115 მატჩის ჩატარება მოასწრო, გაიტანა 7 გოლი და 1 საგოლე გადაცემაც შეასრულა. არგენტინელს ტოტენჰემთან არსებული კონტრაქტი 2027 წლამდე აკავშირებს — ლონდონელები რომეროს დაახლოებით €50-60 მილიონად აფასებენ.
