დატვირთული ზაფხულის სატრანსფერო ფანჯრის შემდეგ, რეალ მადრიდში ახალ სეზონზე ფიქრს უკვე იწყებენ და როგორც ირკვევა, კლუბი პირველ ტრანსფერსაც უახლოვდება.
ბოლო მომენტში რაიმე გაუთვალისწინებელი თუ არ მოხდა, ნიკო პასი სამეფო კლუბში 2026 წლის 1 ივლისს ოფიციალურად დაბრუნდება. კომოში ნაჩვენები საოცარი პერფორმანსის შემდეგ, თითქმის გადაწყვეტილია, რომ "სამეფო კლუბი" უკან დაბრუნების უფლებას გამოიყენებს და 21 წლის ნახევარმცველს გუნდში დააბრუნებს. რეალ მადრიდს ფეხბურთელის უკან გამოსყიდვა სულ რაღაც €10 მილიონად შეუძლია.
შეგახსენებთ, ნიკო პასი კომოში 2024 წლის ზაფხულში გადაბარგდა. ამ დროში ახალგაზრდა ესპანელმა 39 მატჩის ჩატარება მოასწრო, გაიტანა 12 გოლი და 7 საგოლე გადაცემითაც გამოიჩინა თავი. თამამად შეგვიძლია იმის თქმა, რომ ნიკო პასი სესკ ფაბრეგასის გუნდის უპირობო ლიდერია, ფეხბურთელის პროგრესს კი მადრიდში ყურადღებით აკვირდებიან და როგორც უკვე ზემოთ ვთქვით, მისი უკან, ესპანეთში დაბრუნება თითქმის გადაწყვეტილია.
