იმის მიუხედავად, რომ ბარსელონასა და ჯონათან ტას შორის წინასწარი სიტყვიერი შეთანხმება უკვე არსებობს, გერმანელი ცენტრალური მცველის ტრანსფერზე მუშაობას 3 კლუბი მაინც აგრძელებს. ბაიერნი, რეალ მადრიდი და მანჩესტერ იუნაიტედი ფეხბურთელის წარმომადგენლებთან მუდმივ კონტაქტზე არიან და 29 წლის ცენტრალური მცველის ბარსელონაში ტრანსფერის ჩაშლას ცდილობენ.
შეგახსენებთ, "ბლაუგრანა" და ჯონათან ტა პირად კონტრაქტზე რამდენიმე თვის წინ შეთანხმდნენ, თუმცა მხარეებს შორის ხელშეკრულება ამ დრომდე არ გაფორმებულა. სწორედ ამიტომ გააქტიურდნენ ზემოხსენებული გუნდები.
სამივე კლუბი ზაფხულში მინიმუმ ერთი ცენტრალური მცველის დამატებას გეგმავს, შესაბამისად, მათ სატრანსფერო სამიზნეებში გერმანიის ეროვნული ნაკრების ფეხბურთელიც მოხვდა. ვინც არ იცით გეტყვით, რომ ჯონათან ტა სეზონის ბოლოს ლევერკუზენს თავისუფალი აგენტის სტატუსით დატოვებს.
ზაფხულის სატრანსფერო ფანჯრის მოახლოებასთან ერთად, ჯონათან ტას თაობაზე უფრო მეტი ინფორმაცია გახდება ცნობილი. გერმანელი ცენტრალური მცველი ახალი გამოწვევისთვის ემზადება.
