ბარსელონაში მომდევნო სეზონისთვის მზადება უკვე დაიწყეს. იმის მიუხედავად, რომ კლუბში ფინანსური პრობლემები კვლავ რჩება, "ბლაუგრანას" წინ მაინც დატვირთული ზაფხულის სატრანსფერო ფანჯარა ელოდება.
როგორც კლუბთან დაახლოებული წყაროები წერენ, ჰანსი ფლიკის გუნდი ახალი სეზონის წინ 4-5 ახალ ფეხბურთელს დაიმატებს, საიდანაც ერთ-ერთი აუცილებლად მცველი იქნება.
კლუბთან დაახლოებულ წყაროებს თუ დავუჯერებთ, ბარსელონას #1 სამიზნე ალესანდრო ბასტონია! დიახ, "ბლაუგრანაში" ყველაფერს გააკეთებენ, რათა 26 წლის მცველი გაიფორმონ, რადგან კლუბში თვლიან, რომ იტალიელის დამატებით, დაცვის ხარისხი საგრძნობლად აიწევს.
ინტერში ბარსელონას ინტერესის შესახებ უკვე იციან, შესაბამისად, "ნერაძური" ყველაფერს გააკეთებს იტალიელი ფეხბურთელის შესანარჩუნებლად. შეგახსენებთ, ალესანდრო ბასტონის მილანურ კლუბთან არსებული კონტრაქტი 2028 წლამდე აკავშირებს.
ზაფხულის სატრანსფერო ფანჯრის მოახლოებასთან ერთად, ალესანდრო ბასტონის პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი.
