ვახო ბედოშვილის ნიჟნი ნოვგოროდში ტრანსფერის შემდეგ, ქართველი ფეხბურთელის გარშემო საუბრები არ წყდება. შეგახსენებთ, 21 წლის ფეხბურთელის ყოფილი კლუბი ორბი როგორც ბედოშვილს, ისე ნიჟნი ნოვგოროდსაც ფიფას რეგულაციების დარღვევის გამო უჩივის. ამ თემასთან დაკავშირებით რუსული კლუბის სპორტულმა დირექტორმა განცხადება გაავრცელა.
"ფიფასთან დაკავშირება-არდაკავშირება ორბისთვის პირადი საქმეა, ვახო ბედოშვილის კონტრაქტში გამოსყიდვის პუნქტი იყო, რომელიც მის ყოფილ კლუბსა და გარეჯს შორის დადებულ იჯარის ხელშეკრულებაში იყო შეტანილი. სხვა კლუბებისგან განსხვავებით, რომლებიც ასევე დაინტერესებულნი იყვნენ ფეხბურთელით, ჩვენ ვიცოდით ასეთი პუნქტის არსებობის შესახებ და მისი გააქტიურება გადავწყვიტეთ. ამრიგად, ჩვენ შევძელით ფეხბურთელის დამატება.
შესაძლოა, ორბის ფეხბურთელის სანაცვლოდ მეტი ფულის გამომუშავება სურდა, ვიდრე გამოსყიდვის პუნქტში იყო გათვალისწინებული და ამიტომ არიან უკმაყოფილოები. ჩვენი გაგებით, არ არსებობს საფუძველი ამ ტრანსფერის გასაჩივრებისთვის. ორბის ქმედებებზე კომენტარის გაკეთება ჩემი კომპეტენციის სფერო არ არის. მხოლოდ იმას ვიტყოდი, რომ გვიხარია ბედოშვილი ნიჟნი ნოვგოროდს ფეხბურთელი რომ არის. ის ახალგაზრდა და ნიჭიერი ფეხბურთელია, ვახოს აქვს პოტენციალი, რომლის გამოვლენასაც ვიმედოვნებთ. გვიხარია, რომ მოვახერხეთ ბედოშვილთან კონტრაქტის გაფორმება."
