ტრანსფერი დაიხურა — ბენჟამინ პავარი ინტერიდან კარიერას მარსელში გააგრძელებს! მხარეებმა გარიგების ყველა დეტალი შეათანხმეს, 29 წლის ფრანგ ფეხბურთელს სამშობლოში უკვე ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს. მხარეებს შორის 1-წლიანი საიჯარო ხელშეკრულება გაფორმდება. ფრანგულ კლუბს ბენჟანიმ პავარის გამოსყიდვა სეზონის ბოლოს €15 მილიონად შეეძლება.
მას შემდეგ, რაც კრისტიან კივუ ინტერში მივიდა, ბენჟამინ პავარმა სასტარტო შემადგენლობაში ადგილი დაკარგა, რასაც ახლა უკვე მანუელ აკანჯის ტრანსფერიც დაემატა. ამ მიზეზების გამო, ფრანგმა მცველმა "ნერაძურის" დატოვება გადაწყვიტა. განიხილებოდა საუდის ლიგაში გადაბარგებაც, თუმცა სიტუაცია მარსელის საქმეში ჩართვის შემდეგ შეიცვალა. ბენჟამინ პავარი ფრანგული კლუბი შეთავაზებას მარტივად დათანხმდა.
ბენჟამინ პავარი ინტერის ღირსებას 2023 წლიდან მოყოლებული იცავდა. ფრანგმა ამ დროში 70 მატჩის ჩატარება მოასწრო, გაიტანა 1 გოლი და 4 საგოლე გადაცემითაც გამოიჩინა თავი.
