ვიქტორ ბონიფეისის მილანში ტრანსფერი ჩაიშალა! "როსონერის" ხელმძღვანელობამ როგორც ფეხბურთელს, ისე ლევერკუზენსაც აცნობა, რომ კლუბი ნიგერიელ ფორვარდს აღარ დაიმატებს. იმის მიუხედავად, რომ 24 წლის ფორვარდმა სამედიცინო შემოწმების დიდი ნაწილი წარმატებით გაიარა, იტალიურ კლუბში ფეხბურთელის ძველი ტრავმებისა და დაზიანებების გამო, ტრანსფერზე უარი განაცხადეს.
ზაფხულის სატრანსფერო ფანჯრის დახურვამდე 8 დღით ადრე, მილანის ახალი მთავარი სამიზნე ფორვარდის პოზიციაზე ცნობილია. მაქს ალეგრის გუნდი სპორტინგის 20 წლის ფორვარდის კონრად ჰარდერის დამატებაზე მუშაობს! როგორც ირკვევა, მხარეები შეთანხმებასთან ძალიან ახლოს არიან და დიდი შანსია გარიგება უახლოეს საათებში დაიხუროს.
კონრად ჰარდერი ნორდსიელანდის აკადემიის აღზრდილია, სპორტინგის ღირსებას კი 2024 წლიდან მოყოლებული იცავს. დანიელმა ფორვარდმა ამ დროში 51 მატჩის ჩატარება მოასწრო, გაიტანა 12 გოლი და 7 საგოლე გადაცემითაც გამოიჩინა თავი.
მილანის უფროსობას სჯერა, რომ ახალგაზრდა ფეხბურთელის ტრანსფერი უახლოეს საათებში დაიხურება. მხარეები დაახლოებით €20-25 მილიონიან გარიგებაზე მუშაობენ.
