ინტერში ახალი სეზონისთვის მზადებას უკვე შეუდგნენ. "ნერაძური" პირველ რიგში მსოფლიოს საკლუბო ჩემპიონატისთვის ემზადება, შესაბამისად, მილანური გრანდი ამ ტურნირისთვის გაძლიერებას უკვე გეგმავს.
სიმონე ინძაგის გუნდმა პირველი ტრანსფერი უკვე დახურა — ინტერმა ნიკოლა ჟალევსკის გამოსყიდვა გადაწყვიტა, რაც კლუბს €6 მილიონი დაუჯდა, თუმცა მილანელები ამაზე გაჩერებას არ აპირებენ.
ბოლო მომენტში რაიმე გაუთვალისწინებელი თუ არ მოხდება, ინტერი უახლოეს დღეებში ლუის ენრიკეს ტრანსფერსაც დახურავს! დიახ, "ნერაძური" და მარსელი შეთანხმებასთან ძალიან ახლოს არიან და თუ ყველაფერი გეგმის მიხედვით წავა, გარიგება უახლოეს დღეებში დაიხურება. საუბარია დაახლოებით €22-25 მილიონიან ტრანსფერზე. ბრაზილიელი ვინგბექი ახალ კლუბთან ხელშეკრულებას 2030 წლამდე გააფორმებს.
ლუის ენრიკე მარსელის ღირსებას 2020 წლიდან მოყოლებული იცავს. ბრაზილიელმა ფეხბურთელმა ამ დროში 108 მატჩის ჩატარება მოასწრო, გაიტანა 11 გოლი და 16 საგოლე გადაცემითაც გამოიჩინა თავი.
ინტერს ზაფხულში რამდენიმე ფეხბურთელი დატოვებს, რაც იმას ნიშნავს, რომ "ნერაძურის" საკმაოდ დატვირთული ზაფხულის სატრანსფერო ფანჯარა ელოდება.
