გიორგი ჩაკვეტაძე უოტფორდის დასატოვებლად ემზადება. ქათველი ფეხბურთელი ჩემპიონშიპის დატოვებას სერიოზულად განიხილავს, სწორედ ამიტომ, მის გარშემო საუბრები არ წყდება. ინგლუსურ მედიაზე დაყრდნობით, 25 წლის ქართველი ნახევარმცველით რამდენიმე პრემიერ ლიგისა და ჩემპიონშიპის გუნდი უკვე ინტერესდება.
LaGazzetta.ge-ს ინფორმაციით, გიორგი ჩაკვეტაძეს კიდევ ერთი მსურველი გამოუჩნდა, კერძოდ ესპანური ვალენსია! დიახ, დადასტურებულად შეგვიძლია იმის თქმა, რომ "ღამურები" ქართველი ფეხბურთელით სერიოზულად ინტერესდებიან. ვალენსიას მთავარ მწვრთნელს კარლოს კორბერანს გიორგი ჩაკვეტაძე ძალიან მოსწონს და მისი ხილვა მესტალიაზე სურს.
გიორგი ჩაკვეტაძემ უოტფორდთან ერთად პრე-სეზონი უკვე დაიწყო, თუმცა ქართველმა ფეხბურთელმა ინგლისური გუნდი შესაძლოა ნებისმიერ მომენტში დატოვოს. უახლოეს კვირებში 25 წლის ფეხბურთელის თაობაზე უფრო მეტი ინფორმაცია გახდება ცნობილი.
