ბოლო საათებში ლაიფციგის აღმასრულებელი დირექტორი ფეხბურთელის აგენტს კიდევ ერთხელ დაუკავშირდა და როგორც გერმანულ პრესაში იწერება, მხარეები შეთანხმებასთან ახლოს არიან. საუბარია 1-წლიან მშრალ იჯარაზე.
ჩავი სიმონსი ამ დრომდე პსჟ-ს საკუთრებაში იმყოფება, თუმცა ფეხბურთელს ამ ზაფხულს პარიზში დაბრუნების სურვილი არ გამოუხატავს, შესაბამისად, მხარეები ახალი სეზონის წინ, გამოსავალს ეძებდნენ. პარიზელთა პირობა მარტივი იყო: სიმონსს შეუძლია გუნდის დატოვება, თუმცა მხოლოდ იჯარის წესით, რაც ლაიფციგისთვისაც მისაღებია.
ახალგაზრდა ნიდერლანდელმა წინა სეზონიც ლაიფციგში გაატარა, თანაც საკმაოდ წარმატებულად: 43 მატჩი, 10 გატანილი გოლი და 15 საგოლე გადაცემა...ახლა კი მხარეები მეორე რაუნდისთვის ემზადებიან.
