მას შემდეგ, რაც ლაიფციგმა ვერ ერთი ევროტურნირის საგზური ვერ მოიპოვა, გუნდის ლიდერები რედ ბულ არენას დასატოვებლად ემზადებიან. პოტენციურ წამსვლელთა სიაშია გუნდის ერთ-ერთი წამყვანი ფეხბურთელი ჩავი სიმონსიც, რომლის მიმართაც ინტერესს ტოპ კლუბები იჩენენ.
ბოლო საათებში გავრცელებული ინფორმაციის თანახმად, ჩელსიმ 22 წლის ნიდერლანდელის ტრანსფერზე მუშობა ოფიციალურად დაიწყო! დიახ, ლონდონურ კლუბში ახალგაზრდა ფეხბურთელი ძალიან მოსწონთ და ნონი მადუეკეს გაყიდვის შემდეგ, მის დამატებას აუცილებლად შეეცდებიან. ენცო მარესკას გუნდსა და ჩავი სიმონსის აგენტს შორის პირველი კონტაქტი უკვე შედგა, სადაც მხარეებმა პოტენციურ ტრანსფერზე ისაუბრეს. როგორც ირკვევა, ნიდერლანდელს ჩელსიში თამაშის დიდი სურვილი აქვს.
საქმეში სხვა ტოპ კლუბებიც არიან — არსენალი, ბაიერნი და ბარსელონა ფეხბურთელის სიტუაციას ყურადღებით აკვირდებიან. მოსალოდნელია, რომ ეს კლუბები უახლოეს პერიოდში უფრო მეტად გააქტიურდებიან, თუმცა ახლა ფავორიტი ცალსახად ჩელსია. ლაიფციგი 22 წლის ფეხბურთელს დაახლოებით €60-65 მილიონად აფასებს.
