კირან დიუსბერი-ჰოლის, ომარი კელიმანის, რენატო ვეიგას, კალებ უილის, მარკ გიუსა და ტოსინ ადარაბიოიოს შემდეგ გუნდმა ფილიპ იორგენსენის ტრანსფერიც დახურა. 22 წლის დანიელი მეკარე ვილიარეალიდან კარიერას ლონდონურ კლუბში გააგრძელებს. მხარეებს შორის €24.5 მილიონიანი გარიგება შედგა, ფეხბურთელი კი ჩელსისთან 5 ან 6-წლიან კონტრაქტს გააფორმებს.
ენცო მარესკამ ჩელსიში მუშაობის დაწყების დღიდან, ახალი მეკარის დამატება მოითხოვა, რადგან მისი გადაწყვეტილებით ჯორჯე პეტროვიჩი ტრანსფერზე იქნა დაყენებული, ხოლო რობერტ სანჩესს კონკურენტი სჭირდებოდა. ლონდონური კლუბის სატრანსფერო სიაში, გიორგი მამარდაშვილიც იყო, თუმცა ჩელსიმ ამ ტრანსფერზე მუშაობა, რამდენიმე მიზეზის გამო არ დაიწყო. საბოლოოდ, არჩევანი იორგენსენზე გაკეთდა — ახალგაზრდა მეკარეს ლონდონში უახლოეს საათებში ელოდებიან.
