ზაფხულის სატრანსფერო ფანჯრის დახურვამდე 1 თვეზე ნაკლებია დარჩენილი, ჩელსიში კი დაანონსებული დიდი წმენდა გრძელდება. მას შემდეგ, რაც გუნდი ჯორჯე პეტროვიჩმა, ნონი მადუეკემ და ჟოაუ ფელიქსმა დატოვეს, ლონდონური კლუბი უახლოეს დღეებში კიდევ 8 ფეხბურთელს შეელევა.
კრისტოფერ ნკუნკუ, კირან დიუსბერი-ჰოლი, არმანდო ბროია, ლესლი უგოჩუკვუ, კერნი ჩუკვუემეკა, რაჰიმ სტერლინგი, მარკ გიუ და ტაირიქ ჯორჯი — ეს ფეხბურთელები ჩელსის 100% დატოვებენ.
ცნობილია რამდენიმე მათგანის ახალი კლუბი:
კირან დიუსბერი-ჰოლი კარიერას ევერტონში გააგრძელებს, ხოლო რაც შეეხებათ არმდანდო ბროიასა და ლესლი უგოჩუკვუს, ორივე ფეხბურთელი ბარნლიში გადაბარგდება. კერნი ჩუკვუემეკას ტრანსფერზე დორტმუნდი მუშაობს, ხოლო მარკ გიუს სანდერლენდში ელოდებიან.
სხვა ზემოხსენებულ ფეხბურთელებთან დაკავშირებით უფრო მეტი ინფორმაცია უახლოეს დღეებში გახდება ცნობილი, თუმცა, ერთი რამ ფაქტია, ამ სიაში მყოფი მოთამაშეები ახალ სეზონს, აუცილებლად ახალ გუნდებში დაიწყებენ.
