8 ივლისს, ჩემპიონთა ლიგის პირველ საკვალიფიკაციო ეტაპზე საქართველოს ჩემპიონი იბერია შვედურ მალმიოს დაუპირისპირდება.
იბერიამ ორი ტრანსფერი უკვე განახორციელა - ტირასპოლის შერიფის ფეხბურთელი არმელ ზოჰური და რაბოტნიჩკის ფორვარდი ანეს რუსევიჩი დაიმატა.
LaGazzetta.ge-ს ინფორმაციით, ჩემპიონთა ლიგის მატჩამდე ერთი კვირით ადრე, თბილისურმა კლუბმა 28 წლის სერბი ნახევარმცველი მატიჩ ვრბანეჩი გამოისყიდა.
იბერიას ახალწვეული თბილისში ხვალ ჩამოფრინდება, სამედიცინო შემოწმებას გაივლის და გუნდის სრულფასოვანი წევრი გახდება. ბოლოს ის სლოვენიურ მურაში გამოდიოდა. მატიჩის კარიერა მთლიანად თავის მშობლიურ ჩემპიონატს უკავშირდება და ერთხელ სლოვენიის ჩემპიონიც გახდა. მას სლოვენიის ყველა ასაკობრივ ნაკრებში აქვს ნათამაშები.
რამდენიმე დღის წინ მოგახსენეთ, რომ იბერიას ერთ-ერთი ლიდერი ივა გელაშვილი გუნდის დასატოვებლად ემზადებოდა, თუმცა საბოლოოდ გადაწყდა, რომ გელაშვილი იბერიას ევროტურნირებზე დაეხმარება.
