მას შემდეგ, რაც დავიდ დე ხეა 2023 წლის ზაფხულში თავისუფალი აგენტი გახდა, მისი კარიერია უკან-უკან მიდის. ამ ერთი წლის განმავლობაში, გამოცდილ ესპანელ მეკარეს უამრავ გუნდს უკავშირებდნენ, თუმცა ტრანსფერი ამ დრომდე არც ერთ გუნდში შემდგარა.
მთელი ამ დროის განმავლობაში, გამოცდილმა ესპანელმა მეკარემ ახალი გუნდის მოძებნა ვერ მოახერხა, თუმცა როგორც ჩანს, 2024/25 სეზონის წინ, დე ხეა ფეხბურთში დაბრუნებას გეგმავს.
იტალიური ჯენოა გამოცდილი ესპანელი კიპერის აგენტს უკვე დაუკავშირდა და როგორც იტალიური გამოცემები წერენ, 33 წლის ფეხბურთელი ამ ვარიანტზე სერიოზულად ფიქრობს. მას შემდეგ, რაც ალბერტო ჯილარდინოს გუნდმა ხოსეფ მარტინესი ინტერში გაყიდა, გენუელებმა ახალი მეკარის მოძებნა დაიწყეს და როგორც ჩანს, დე ხეას ვარიანტი სერიოზულად განიხილება. მხარეებს შორის კონტაქტი სულ რამდენიმე დღის წინ შედგა, ტრანსფერზე მუშაობა კი გრძელდება.
