ჩელსის ახალმა მთავარმა მწვრთნელმა ლიამ როსენიორმა კოულ პალმერის მომავალთან დაკავშირებით მედიასთან ისაუბრა:
"კოული ჩელსიში ბედნიერია და ის ხელშეუხებელია! მის გარშემო აგორებული სიახლეები თავიდან ბოლომდე ჭორია და მეტი არაფერია სათქმელი.
პალმერი საოცარი მოთამაშეა და ჩვენ ყურადღებას არ ვაქცევთ მის შესახებ გავრცელებულ ჭორებს. როგორც ის, ისე ჩვენც მხოლოდ მომდევნო მატჩზე ვფიქრობთ.
ნამდვილად არ ვიცი პალმერის შესახებ ეს ჭორები საიდან მოვიდა. ამ თემასთან დაკავშირებით მეტს ვერაფერს გეტყვით."
შეგახსენებთ, ბოლო დღეების განმავლობაში 23 წლის ინგლისელი ფეხბურთელი მანჩესტერ იუნაიტედს აქტიურად დაუკავშირეს, თუმცა როგორც მოსალოდნელი იყო ეს ყოველივე დიდი ტყუილი აღმოჩნდა და კოულ პალმერი ჩელსის დატოვებას არ აპირებს.
