19 წლის ფეხბურთელმა გიორგი ტაბატაძემ დღეს ეროვნულ ლიგაში თავისი ბოლო მატჩი ჩაატარა. იბერიას ფეხბურთელმა გორის დილას წინააღმდეგ დუბლი გაიფორმა და საგოლე გადაცემა მიითვალა.
LaGazzetta.ge-ს ინფორმაციით, ტაბატაძე კარიერას დანიურ ვეილეში გააგრძელებს. ახალგაზრდა ფეხბურთელი დანიაში ხვალ გაფრინდება, სამედიცინო შემოწმებას გაივლის და კლუბის სრულფასოვანი წევრი გახდება.
გიორგი ტაბატაძე ნომინალურად ფლანგის მცველია, თუმცა გია გეგუჩაძის იბერიაში მისვლის შემდეგ, მან ფლანგის შემტევად გადაინაცვლა.
რაც შეეხება ახალ კლუბს, ვეილეს 5 ტურის შემდეგ 4 ქულა აქვს და დანიის ჩემპიონატში მე-10 ადგილს იკავებს.
