რამდენიმე დღის წინ დაწყებული მოლაპარაკებები საბოლოო შეთანხმებით დასრულდა — დუგლას ლუისი იუვენტუსიდან კარიერას ასტონ ვილაში გააგრძელებს! ბრაზილიელ ფეხბურთელს მისთვის კარგად ნაცნობ გარემოში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს. ასტონ ვილა დუგლას ლუისს 6-თვიანი იჯარით დაიმატებს, თუმცა ბირმინგემელებს 27 წლის ფეხბურთელის გამოსყიდვა სეზონის ბოლოს შეეძლება.
დუგლას ლუისის საიჯარო ხელშეკრულება ნოტინგემ ფორესტში ნაადრევად შეწყდება და ფეხბურთელი უკან, იუვენტუსში დაბრუნდება, თუმცა როგორც უკვე ზემოთ მოგახსენეთ, ბრაზილიელი ნახევარმცველი ტურინში არ დარჩება და ასტონ ვილაში დაბრუნდება.
შეგახსენებთ, დუგლას ლუისი ასტონ ვილას ღირსებას 2019-2024 წლებში იცავდა, რა დროსაც გუნდის ერთ-ერთი წამყვანი ფეხბურთელი და ლიდერი იყო. ბოლო მომენტში რაიმე გაითვალისწინებელი თუ არ მოხდა, ბირმინგემელები ბრაზილიელი ფეხბურთელის ტრანსფერს უახლოეს საათებში ოფიციალურად დაადასტურებენ.
