ედერსონის ტრანსფერზე ალ-ნასრი რამდენიმე კვირა მუშაობდა, თუმცა მხარეებმა შეთანხმებას ვერ მიაღწიეს. სიტიში ბრაზილიელის წასვლაზე პრობლემა არ აქვთ, რადგან პეპ გვარდიოლა სტეფან ორტეგას ბოლომდე ენდობა, თუმცა ინგლისელები ედერსონის სანაცვლოდ, საკმაოდ სოლიდურ თანხას, მინიმუმ, €50 მილიონს ითხოვენ.
ალ-ნასრიში ჩაშლილი ტრანსფერის შემდეგ, საქმეში ალ-იტიჰადი ჩაერთო, რომელმაც სულ ახლახანს მუსა დიაბის ტრანსფერი დახურა. ლორან ბლანის გუნდი ახალ მეკარეს ეძებს და #1 სამიზნე სწორედ ედერსონია. პირადი კონტრაქტის შეთანხმება რთული არ იქნება, თუმცა ალ-იტიჰადი სიტის მიერ მოთხოვნილ თანხას თუ არ გადაიხდის, ტრანსფერი არ შედგება.
უახლოეს დღეებში ალ-იტიჰადი & ედერსონის თაობაზე, უფრო მეტ სიახლეს შევიტყობთ.
