შეთანხმება შედგა — ენდრიკი რეალ მადრიდიდან კარიერას ლიონში გააგრძელებს! მხარეებმა გარიგების ყველა დეტალი შეათანხმეს, 19 წლის ბრაზილიელ შემტევს საფრანგეთში მიმდინარე კვირაში ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს. მხარეებს შორის 6-თვიანი საიჯარო ხელშეკრულება გაფორმდება.
ლიონი, რომ ენდრიკის ტრანსფერზე მუშაობდა, ამის შესახებ ოქტომბრის თვეში გაცნობეთ. საქმეში სხვა ევროპული კლუბებიც იყვნენ, თუმცა ენდრიკის მშრალი იჯარით დამატებაზე თანახმა მხოლოდ ლიონი იყო, სწორედ ამიტომ მხარეები ტრანსფერზე მარტივად შეთანხმდნენ.
ლიონი ენდრიკის ტრანსფერს 2026 წლის 1 იანვარს ოფიციალურად დაადასტურებს. ბრაზილიელი ფეხბურთელი უკან, რეალ მადრიდში მიმდინარე სეზონის ბოლოს დაბრუნდება.
