რამდენიმე საათის წინ, წყალტუბოს სამგურალის ოფიციალურმა გვერდმა გაავრცელა ინფორმაცია, რომ გუნდის ლიდერმა გიორგი ფანცულაიამ იმერული კლუბი დატოვა.
LaGazzetta.ge-ს ინფორმაციით, 32 წლის თავდამსხმელი კარიერას უზბეკეთის მეორე ლიგაში, კატაკურგანში გააგრძელებს.
ფანცულაიას გარდა, კატაკურგანმა რამდენიმე მოთამაშე დაიმატა და მათი მიზანი უზბეკეთის უმაღლეს ლიგაში გადასვლა იქნება. ამ კლუბის ჯამური სატრანსფერო ფასი 1 მილიონ ევროს უდრის.
შეგახსენებთ, რომ ფანცულაია ეროვნული ლიგის ერთ-ერთი საუკეთესო გოლეადორია. გასულ სეზონში მან სამგურალის მაისურით 17 გოლი გაიტანა, რაც ბომბარდირ ბიორნ იონსენის შემდეგ საუკეთესო შედეგია.
ისე კი, ფანცულაია თავის დროზე ქუთაისის ტორპედოს, დინამო ბათუმის, ჩიხურას, სამტრედიას, დილას და იბერიას რიგებში გამოდიოდა.
