ცოტა ხნის წინ, გორის დილას ოფიციალურმა გვერდმა გაავრცელა ინფორმაცია, რომ მათ გუნდში გამოცდილი მცველი გრიგოლ ჩაბრაძე ითამაშებს.
გორელები ამაზე გაჩერებას არ აპირებენ, კიდევ გეგმავენ რამდენიმე ფეხბურთელის დამატებას და ევროტურნირებისთვის გაძლიერებას.
LaGazzetta.ge-ს ინფორმაციით, დილა აქტიურ მოლაპარაკებებს აწარმოებს ეროვნული ლიგის ერთ-ერთ გამორჩეულ ლეგიონერთან ლეანდრო რიბეიროსთან.
ბრაზილიელი შემტევი დილაში 2017 და 2018 წლების სეზონში გამოდიოდა და გუნდის ლიდერი იყო. 2018 წლის სეზონში მან 14 გოლი გაიტანა, ბოლოს კი სამხრეთ კორეაში თამაშობდა.
როგორც ჩვენთვის არის ცნობილი, რიბეიროს შემოთავაზება სხვა კლუბებისგანაც აქვს და ყველაფერი უახლოეს მომავალში გადაწყდება. კონფერენს ლიგის პირველ საკალიფიკაციო ეტაპზე დილას მეტოქე ლუქსემბურგის რასინგ უნიონი იქნება.
