ოფიციალურად — სონ ჰინ მინმა ტოტენჰემიდან წასვლა დაანონსა. ლონდონური კლუბის კაპიტანმა ბოლო პრესკონფერენციაზე დაადასტურა, რომ გუნდს მიმდინარე სატრანსფერო ფანჯრის დროს დატოვებს.
"მიმდინარე სატრანსფერო ფანჯრის დროს ტოტენჰემს დავტოვებ. გადაწყვეტილება საბოლოოა. ეს ჩემს ცხოვრებაში ყველაზე რთული გადაწყვეტილებაა. ძალიან დიდი მადლობა გულშემატკივრებს, ეს გუნდი ყოველთვის ჩემს გულში იქნება."
ბოლო მომენტში რაიმე გაუთვალისწინებელი თუ არ მოხდა, სონი კარიერას MLS-ში, კერძოდ ლოს ანჯელესში გააგრძელებს. მხარეები გარიგების ბოლო დეტალებს უახლოეს პერიოდში მოაგვარებენ, რის შემდეგაც ტრანსფერი გაოფიციალურდება.
სამხრეთ კორეელი ფეხბურთელი ტოტენჰემის ღირსებას 2015 წლიდან მოყოლებული იცავდა. სონმა ამ დროში 454 მატჩის ჩატარება მოასწრო, გაიტანა 173 გოლი და 101 საგოლე გადაცემითაც გამოიჩინა თავი.
