ინტერში ახალი სეზონისთვის მზადება უკვე დაიწყეს. მილანურ გრანდს ზაფხულში რამდენიმე ფეხბურთელი დატოვებს, რაც იმას ნიშნავს, რომ "ნერაძურის" საკმაოდ დატვირთული ზაფხულის სატრანსფერო ფანჯარა ელოდება.
რაც შეეხება არსებულ შემადგენლობას, უკვე ცნობილია, რომელი ფეხბურთელები დარჩებიან ინტერში — ამ სიაში მოხვდა მანუელ აკანჯიც, რომელიც კლუბში იჯარის წესით ირიცხება. მილანელებმა შვეიცარიელი მცველის გამოსყიდვა უკვე გადაწყვიტეს და ამის შესახებ როგორც მანჩესტერ სიტის, ისე ფეხბურთელსაც აცნობეს. კრისტიან კივუსთვის მანუელ აკანჯი შეუცვლელი მალევე გახდა, შესაბამისად, მისი შენარჩუნება გადაწყდა.
მანუელ აკანჯის სანაცვლოდ მანჩესტერ სიტი €15 მილიონს მიიღებს, ხოლო 30 წლის ცენტრალური მცველი ინტერთან მინიმუმ 3 ან 4-წლიან ხელშეკრულებას გააფორმებს.
