ჩელსი, რომ 24 წლის ინგლისელის გაყიდვას გეგმავდა, ამის შესახებ ივნისის თვეში გაცნობეთ. იმის მიუხედავად, რომ ფეხბურთელს ლონდონური გუნდის დატოვება არ სურს, მისი გაყიდვა კლუბის გეგმებში მაინც შედის. მიზეზი? ფეხბურთელს კლუბთან არსებული კონტრაქტი 2025 წელს ეწურება, ახალ ხელშეკრულებაზე კი მხარეები ამ დრომდე ვერ თანხმდებიან. ამას ისიც ემატება, რომ ჩელსის გაყიდვები სჭირდება, გალაგერი კი კლუბის აღზრდილია და მისი გაყიდვა უეფას Fair Play-ში კარგად აისახება.
კონორ გალაგერის დამატებას ორი ინგლისური კლუბი ცდილობდა, კერძოდ ტოტენჰემი და ასტონ ვილა, თუმცა ამ დრომდე, მხარეებმა ტრანსფერზე შეთანხმება ვერ მოახერხეს. შემდეგ კი საქმეში ატლეტიკო მადრიდი ჩაერთო...
მხარეები დაახლოებით €40 მილიონიან გარიგებაზე მუშაობენ. ჩელსი თავიდან ბევრად დიდ თანხას ითხოვდა, მაგრამ ახლა ფეხბურთელის ფასმა დაიკლო, რადგან როგორც ზემოთ აღვნიშნეთ, ინგლისელს კლუბთან არსებული კონტრაქტი 2025 წელს ეწურება და თუ ამ ზაფხულს მისი გაყიდვა ვერ მოხერხდება, მომავალ წელს კონორი სტემფორდ ბრიჯს თავისუფალი აგენტის სტატუსით დატოვებს. ატლეტიკო და კონორი პირად კონტრაქტზე შეთანხმებულები არიან, ახლა კი ველოდებით კლუბების საბოლოო გარიგებას და ტრანსფერის განხორციელებას.
