რამდენიმე თვის წინ, ასეთ რთულ სიტუაციას ვერც ოსიმენი წარმოიდგენდა და ვერც აურელიო დე ლაურენტისი. ნიგერიელი ფორვარდის ტრანსფერზე ჯერ პსჟ მუშაობდა, შემდეგ ჩელსი, ბოლოს კი ალ აჰლი, თუმცა არც ერთ კლუბში ტრანსფერი არ შემდგარა. იმის მიუხედავად, რომ ზაფხულის სატრანსფერო ფანჯრის დახურვამდე რამდენიმე საათით ადრე, ნაპოლი და ალ აჰლი ტრანსფერზე შეთანხმდნენ, ოსიმენმა ამ გარიგებას მწვანე შუქი არ აუნთო და ტრანსფერიც არ შედგა. მოსალოდნელი იყო ჩელსის გააქტიურებაც, თუმცა არც ლონდონელებმა მოინდომეს ფეხბურთელის დამატება.
ახლა კი ყველაფერი გალათასარაიზეა დამოკიდებული. თურქული გრანდი ტრანსფერზე მუშაობას აგრძელებს და უახლოეს საათებში ოსიმენის გარიგებასთან დაკავშირებით, უფრო მეტ სიახლეს ველოდებით.
