მას შემდეგ, რაც ფულკრუგი ვესტ ჰემში გადავიდა, ნური შაჰინის გუნდმა ახალი ცხრიანის დამატებაზე დაიწყო მუშაობა და როგორც იწერებოდა, ბაიერი ყოველთვის #1 სამიზნე იყო. მხარეებს შორის მოლაპარაკებები საკმაოდ მალე დასრულდა, რადგან ფეხბურთელს დორტმუნდში გადასვლა ძალიან სურდა, ჰოფენჰაიმმა კი მაქსიმილიანს "შავ-ყვითლებში" ტრანსფერში ხელი არ შეუშალა.
ბაიერი ჰოფენჰაიმში 2018 წლიდან მოყოლებული ირიცხებოდა. ამ დროის განმავლობაში, ფეხბურთელმა ყველა ასაკობრივ გუნდში მოასწრო თამაში, 2020 წლიდან კი მთავარ გუნდში დაწინაურდა. შემდეგ იყო იჯარა ჰანოვერში, საიდანაც გერმანელი უფრო ძლიერი დაბრუნდა და მელევე გუნდის ერთ-ერთ ლიდერადაც იქცა — 46 მატჩი, 18 გატანილი გოლი და 4 საგოლე გადაცემა, ეს სტატისტიკა, რა თქმა უნდა, ბუნდესნაკრებშიც შეამჩნიეს და მაქსიმილიანი ევრო 2024-ზეც წაიყვანეს.
ხვალიდან კი ახალგაზრდა ფორვარდის კარიერაში ახალი ეტაპი დაიწყება, ფეხბურთელს დორტმუნდში ელოდებიან!
