მხარეებს შორის ტრანსფერზე წინასწარი სიტყვიერი შეთანხმება 22 აგვისტოს შედგა, დღეს კი ლივერპულმა და ვალენსიამ გარიგების ყველა დეტალი შეათანხმეს. გეგმა თავიდანვე გაწერილი იყო: ლივერპული გიორგის დაიმატებდა, შემდეგ კი 1-წლიანი იჯარით სხვა გუნდში გაუშვებდა. საქმეში ბორნმუთი იყო, თუმცა "ალუბლებში" ტრანსფერზე ქართველმა კიპერმა უარი განაცხადა, შესაბამისად, ლივერპულსა და ვალენსიას შორის საიჯარო ხელშეკრულებაზე შეთანხმება შედგა — მამარდაშვილი, მინიმუმ 1 წელი, მესტალიაზე დარჩება.
ამ გარიგებიდან დინამო თბილისიც იხეირებს, რომელსაც ტრანსფერიდან 10% შეხვდება. გიორგი მამარდაშვილის ტრანსფერი ლივერპულში ოფიციალური უახლოეს დღეებში გახდება.
გიორგი მამარდაშვილმა სამედიცინო შემოწმება ესპანეთში გაიარა — იხილეთ ფოტოები:
🇬🇪 Giorgi Mamardashvili ya pasa el reconocimiento médico para marcharse al @LFC acompañado de personal del club inglés y su agente
— Tribuna Deportiva (@TribunaVCF) August 26, 2024
✅ Todo acordado pic.twitter.com/c4kXo1W9rd
