ზამთრის სატრანსფერო ფანჯრის დახურვამდე სულ რაღაც 1 კვირაა დარჩენილი, რაც იმას ნიშნავს, რომ დარჩენილ დღეებში რამდენიმე საინტერესო გარიგება შეიძლება განხორციელდეს.
ჩვენი ინტერესი რა თქმა უნდა იმ ქართველი ფეხბურთელების მიმართ არის მიპყრობილი, რომლებმაც მიმდინარე სატრანსფერო ფანჯრის დროს გუნდების გამოცვლაზე ფიქრობენ — ამ სიაშია გიორგი ქოჩორაშვილიც, რომელიც სპორტინგის მთავარი მწვრთნელის გეგმებში არ შედის და დიდი შანსია 2 თებერვლამდე სხვა გუნდში გადაბარგდეს.
გავლენიან პორტუგალიურ გამოცემებს თუ დავუჯერებთ, გიორგი ქოჩორაშვილი შეიძლება ესპანეთში დაბრუნდებს და კვლავ ლევანტეს მაისური მოირგოს. როგორც იწერება, ქართველი ფეხბურთელის ყოფილი კლუბი 26 წლის ნახევარმცველის 6-თვით იჯარით დამატებას განიხილავს, თუმცა ისიც აუცილებლად უნდა ითქვას, რომ შეთავაზება ჯერ არ გაკეთებულა და სპორტინგში ამ დრომდე მოლოდინის რეჟიმში არიან.
უახლოეს დღეებში გიორგი ქოჩორაშვილის პოტენციურ ტრანსფერთან დაკავშირებით უფრო მეტი ინფორმაცია გახდება ცნობილი, თუმცა ერთი რამ ფაქტია, დიდი შანსია ქართველმა ფეხბურთელმა მიმდინარე სატრანსფერო ფანჯარაზე სპორტინგი დატოვოს.
