შეთანხმება შედგა — ილქაი გიუნდოგანი მანჩესტერ სიტიდან კარიერას გალათასარაიში გააგრძელებს! მხარეებმა ყველაფერი შეათანხმეს, 34 წლის ვეტერან ფეხბურთელს თურქეთში დღეს ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს.
ილქაი გიუნდოგანი გალათასარაიში თავისუფალი აგენტის სტატუსით გადაბარგდება. მანჩესტერ სიტისა და გერმანელ ნახევარმცველს შორის კონტრაქტი გაწყდება, რის შემდეგაც, ფეხბურთელი თურქულ გრანდთან 2-წლიან ხელშეკრულებას გააფორმებს.
გერმანელი ფეხბურთელი მანჩესტერ სიტიში 2024 წელს დაბრუნდა. ამ დროში ილქაი გიუნდოგანმა 54 მატჩის ჩატარება მოასწრო, გაიტანა 5 გოლი და 8 საგოლე გადაცემითაც გამოიჩინა თავი.
შეგახსენებთ, თურქეთში სატრანსფერო ფანჯარა 12 სექტემბერს იხურება, რაც იმას ნიშნავს, რომ სუპერ ლიგის კლუბები მომდევნო დღეებში კიდევ არაერთ საინტერესო გარიგებას შემოგვთავაზებენ.
