რასმუს ჰოილუნის მანჩესტერული ისტორია დასასრულს უახლოვდება. ბოლო მომენტში რაიმე გაუთვალისწინებელი თუ არ მოხდა, დანიელი ფორვარდი ახალ სეზონს, ახალ გუნდში დაიწყებს. 22 წლის ფეხბურთელი რუბენ ამორიმის გეგმებში არ შედის, შესაბამისად, რასმუს ჰოილუნს ოლდ ტრაფორდის დატოვება მოუწევს.
ბოლო საათებში გავრცელებული ინფორმაციის თანახმად, რასმუს ჰოილუნი ძალიან ახლოსაა მილანში გადასვლასთან! დიახ, მხარეები გარიგების დახურვას მიმდინარე კვირის ბოლომდე გეგმავენ. განიხილება იჯარა, შემოდგომში გამოსყიდვის უფლება, რა დროსაც "როსონერი" დანიელი ფორვარდის მთლიან ხელფასს დაფარავს. როგორც ირკვევა, ფეხბურთელს მილანში თამაშის ვარიანტი ძალიან მოსწონს, შესაბამისად, ტრანსფერის განხორციელების ალბათობა საკმაოდ დიდია.
საქმეში სხვა კლუბებიც არიან, თუმცა ამ მომენტისთვის ფავორიტი მილანია. იტალიური გუნდი მზადაა ფეხბურთელის სანაცვლოდ €5-6 მილიონი (იჯარა) გადაიხადოს, ხოლო რაც შეეხება გამოსასყიდ თანხას, საუბარია €40-45 მილიონზე — ასეთი გარიგება მანჩესტერ იუნაიტედისთვის მისაღებია.
რასმუს ჰოილუნის მილანში პოტენციურ ტრანსფერთან დაკავშირებით უფრო მეტი ინფორმაცია უახლოეს საათებში გახდება ცნობილი.
