საქართველოს მოქმედმა ჩემპიონმა იბერიამ ქართული ტრანსფერების განხორციელების შემდეგ, ლეგიონერიც დაიმატა.
LaGazzetta.ge-ს ინფორმაციით, ბრაზილიელი შემტევი ლუკას კაფე კარიერას იბერიაში გააგრძელებს.
22 წლის ვინგერი გუნდს თურქულ შეკრებაზე შეუერთდება. კაფეს კარიერა ძირითადად მშობლიურ ბრაზილიას უკავშირდება, თამაშობდა ბოავიშტაში, ინტერ ლიმეირასა და სხვადასხვა ბრაზილიურ კლუბებში, ბოლოს კი სომხურ ვანში გამოდიოდა.
მოგეხსენებათ, იბერია თურქეთის ქალაქ ანტალიაშია, სადაც მოსამზადებელ ეტაპს გადის და ამხანაგურ მატჩებს ატარებს. თბილისურმა კლუბმა უკრაინულ ვერესთან ფრედ 2:2 ითამაშა, სლოვაკურ რუზემბეროკთან მატჩი ასევე ფრედ, 1:1 დასრულდა.
ეროვნული ლიგის ახალ სეზონში იბერია გახსნით მატჩს 28 თებერვალს, ტყიბულის მეშახტეს წინააღმდეგ გამართავს.
