გავლენიანი იტალიური გამოცემები საკმაოდ ხმაურიან ინფორმაციას ავრცელებენ — როგორც ირკვევა, "ნერაძურიში" მზად არიან მარკუს ტურამის სანაცვლოდ ყველა შეთავაზება განიხილონ, რაც იმას ნიშნავს, რომ ფრანგი ფორვარდი კლუბისთვის ხელშეუხებელი აღარაა! დიახ, კლუბთან დაახლოებულ ჟურნალისტებს თუ დავუჯერებთ, 28 წლის ფრანგმა შემტევმა დიდი შანსია ზაფხულში ინტერი დატოვოს და მომდევნო სეზონი ახალ გუნდში დაიწყოს.
მიმდინარე სეზონში მარკუს ტურამის რეგრესზე ბევრს საუბრობენ და როგორც ჩანს, მილანურ კლუბში ფიქრობენ, რომ ფრანგი ფორვარდის სანაცვლოდ ახალი შემტევის დამატება უკეთესი იქნება. ამ ყველაფერს ასევე ემატება პიო ესპოსიტოსა და ენჟ-იოან ბონის პროგრესიც — ახალგაზრდა ფეხბურთელები მიმდინარე სეზონში ძალიან კარგად გამოიყურებიან და კლუბში მათი ყველას ეიმედება.
მარკუს ტურამს ინტერთან არსებული კონტრაქტი 2028 წლამდე აკავშირებს, მისი სატრანსფერო ფასი კი დაახლოებით €50-60 მილიონია. ზაფხულის სატრანსფრო ფანჯრის მოახლოებასთან ერთად, ფრანგი ფორვარდის თაობაზე უფრო მეტი ინფორმაცია გახდება ცნობილი.
