ინტერში მომდევნო სეზონისთვის მზადება უკვე დაიწყეს. კლუბთან დაახლოებულ წყაროებს თუ დავუჯერებთ, ზაფხულში "ნერაძურის" არც მეტი, არც ნაკლები 7 ფეხბურთელი დატოვებს და ამ სტატიაში სწორედ ამის შესახებ მოგიყვებით.
იან ზომერი, სტეფან დე ვრაი, ფრანჩესკო აჩერბი და მატეო დარმიანი ინტერს თავისუფალი აგენტის სტატუსით დატოვებენ, ხოლო რაც შეეხება დენზელ დუმფრისს, დავიდე ფრატეზისა და ლუის ენრიკეს, მილანური გრანდი ამ ფეხბურთელების სანაცვლოდ ყველა შეთავაზებას განიხილავს და სამივე მათგანის გასხვისებას შეეცდება.
და ბოლოს, ჰენრიკ მხითარიანი, რომელიც ზაფხულში ასევე თავისუფალი აგენტი ხდება, ვეტერანი სომეხი ფეხბურთელის საკითხი სეზონის ბოლოს გადაწყდება — მისი გუნდიდან წასვლის ალბათობა 50/50-ზეა.
ზემოხსენებული სიახლეების შემდეგ, მოსალოდნელია, რომ ინტერს საკმაოდ დატვირთული ზაფხულის სატრანსფერო ფანჯარა ექნება, რაც იმას ნიშნავს, რომ "ნერაძური" მომდევნო სეზონის წინ არსებულ შემადგენლობას სერიოზულად გადაახალისებს.
