ტიაგო მოტას გუნდი ახალ ფორვარდს ეძებს — იტალიელი სპეციალისტი არკადიუშ მილიკს არ ენდობა, შესაბამისად, იანვრის სატრანსფერო ფანჯრის დროს, დიდი შანსია "ბიანკონერიმ" კიდევ ერთი შემტევი დაიმატოს. იუვენტუსი გიორგი მიქაუტაძით წინა წელსაც ინტერესდებოდა, თუმცა მაშინ ტრანსფერი არ შედგა.
ლიონმა ფინანსური პრობლემების გამო, ყველა ფეხბურთელი ტრანსფერზე დააყენა, თუმცა იანვარში გუნდს ყველა მათგანი, რა თქმა უნდა, არ დატოვებს. განიხილება დაახლოებით 3-4 ფეხბურთელის გაყიდვა, რაც კლუბის ფინანსურ სიტუაციას გარკვეულწილად გამოასწორებს. ფრანგული მედიის ინფორმაციით, ლიონი ფეხბურთელებს იჯარის წესით არ გაუშვებს.
ამ მომენტისთვის უცნობია, რამდენად რეალურია ქართველი ფეხბურთელის იტალიურ გუნდში ტრანსფერი, თუმცა, სატრანსფერო ფანჯრის გახსნამდე სულ რაღაც 29 დღეა დარჩენილი, რაც იმას ნიშნავს, რომ უახლოეს პერიოდში მიქაუტაძის პოტენციურ ტრანსფერთან დაკავშირებით, უფრო მეტ სიახლეს შევიტყობთ.
