ტრანსფერი დაიხურა — რანდალ კოლო მუანი პარი სენ-ჟერმენიდან კარიერას ტოტენჰემში გააგრძელებს! მხარეებმა გარიგების ყველა დეტალი შეათანხმეს, 26 წლის ფორვარდს ლონდონში უკვე ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს. მხარეებს შორის 1-წლიანი საიჯარო ხელშეკრულება გაფორმდება.
მიმდინარე სატრანსფერო ფანჯრის დროს, რანდალ კოლო მუანის კარიერის გაგრძელება მხოლოდ იუვენტუსში სურდა. მეტიც, მხარეებს შორის წინასწარი სიტყვიერი შეთანხმება გასულ კვირას შედგა, თუმცა გარიგება ბოლო მომენტში ჩაიშალა და "ბიანკონერიმ" სხვა ფორვარდი დაიმატა. შემდეგ გამოჩნდა ასტონ ვილასა და ტოტენჰემის ვარიანტები, საიდანაც კოლო მუანიმ უპირატესობა ლონდონურ კლუბს მიანიჭა და გარიგებაც დაიხურა.
რანდალ კოლო მუანიმ გასული სეზონის მეორე წრე იუვენტუსში გაატარა, სადაც 22 მატჩს მოუყარა თავი, რა დროშიც 10 გოლის გატანა შეძლო, რასაც 3 საგოლე გადაცემაც დაუმატა
