ტრანსფერი დაიხურა — ჯანლუიჯი დონარუმა პარი სენ-ჟერმენიდან კარიერას მანჩესტერ სიტიში გააგრძელებს! მხარეებმა გარიგების ყველა დეტალი შეათანხმეს, იტალიელ მეკარეს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს. მანჩესტერ სიტი ჯანლუიჯი დონარუმას სანაცვლოდ დაახლოებით €30 მილიონს გადაიხდის.
პარიზულმა კლუბმა იტალიელი მეკარის გაყიდვა მას შემდეგ გადაწყვიტა, რაც მხარეებმა კონტრაქტის გახანგრძლივებაზე შეთანხმებას ვერ მიაღწიეს. შემდეგ იყო ლუკას შევალიეს ტრანსფერიც, რა დროსაც საბოლოოდ დადასტურდა, რომ დონარუმა პსჟ-ს 100% დატოვებდა.
ჯანლუიჯი დონარუმა პსჟ-ს ღირსებას 2021 წლიდან მოყოლებული იცავდა. იტალიელმა ამ დროში 161 მატჩის ჩატარება მოასწრო, კარი მშრალად კი 56-ჯერ შეინახა.
