ჯეიდონ სანჩომ 2024/25 სეზონის დასრულების შემდეგ ჩელსი დატოვა და უკან, მანჩესტერ იუნაიტედში დაბრუნდა, თუმცა ინგლისელი ფეხბურთელი ოლდ ტრაფორდზე არ დარჩება. 25 წლის ვინგერი მიმდინარე სატრანსფერო ფანჯრის დროს "წითელ ეშაკებს" 100% დატოვებს.
სად შეიძლება გააგრძელოს ინგლისელმა ფეხბურთელმა კარიერა?
ბოლო საათებში გავრცელებული ინფორმაციის თანახმად, ჯეიდონ სანჩოს ტრანსფერზე იუვენტუსი აქტიურად მუშაობს! მხარეებს შორის ახალი კონტაქტი დღესაც შედგა, სადაც ინგლისელმა შემტევმა "ბიანკონერიში" თამაშზე თანხმობა განაცხადა. იგორ ტუდორის გუნდი ახალ ვინგერს აუცილებლად დაიმატებს და როგორც ჩანს ჯეიდონ სანჩო #1 სამიზნეა. განიხილება ფეხბურთელის როგორც პირდაპირ ყიდვა, ისე იჯარით დამატებაც.
ჯეიდონ სანჩოს ტრანსფერზე მუშაობდა ფენერბაჰჩეც, თუმცა ინგლისელმა თუქეთში გადაბარგებაზე ამ მომენტისთვის უარი განაცხადა. უახლოეს პერიოდში 25 წლის ვინგერის თაობაზე უფრო მეტი ინფორმაცია გახდება ცნობილი. ჯეიდონ სანჩოს სიტუაციას სხვა კლუბებიც ყურადღებით აკვირდებიან.
