ისმის კითხვა, ვინ ინტერესდება ფორვარდებით?
ჯონათან დევიდის მიმართ ინტერესს უფრო მეტი კლუბი იჩენს, რადგან 24 წლის ფორვარდი ზაფხულში თავისუფალი აგენტი ხდება, შესაბამისად, მისი დამატება ბევრად მარტივი იქნება. კანადელი დადასტურებულად ლილთან ხელშეკრულების გახანგრძლივებას არ აპირებს, მის აგენტს კი ევროპული გუნდები უკვე დაუკავშირდნენ. ბარსელონა, ატლეტიკო მადრიდი, ინტერი, იუვენტუსი, ბაიერნი, დორტმუნდი, არსენალი, ნიუკასლი და ტოტენჰემი — დიახ, ყველა ეს გუნდი დევიდით ინტერესდება. ზაფხულში დიდი აუქციონია მოსალოდნელი, სადაც წესით და რიგით ის გუნდი გაიმარჯვებს, რომელიც ფეხბურთელს და აგენტს უფრო უკეთეს კონტრაქტს შესთავაზებს.
რაც შეეხება ვიქტორ გიოკერეშს, სპორტინგის ფორვარდის დამატებაც საკმაოდ ბევრ გუნდს სურს — მანჩესტერ სიტი, მანჩესტერ იუნაიტედი, არსენალი, ლივერპული, ბაიერნი, პსჟ და ჩელსი. ფეხბურთელის აგენტთან პირველი კონტაქტი უკვე შედგა, შვედი ფორვარდი სპორტინგის დასატოვებლად ემზადება. საინტერესოა როგორ გამოიყენებს მანჩესტერ იუნაიტედი რუბენ ამორიმის უპირატესობას. პორტუგალიელი "წითელი ეშმაკების" მთავარი მწვრთნელი სულ რამდენიმე დღის წინ გახდა და საკმაოდ დიდია იმის ალბათობა, რომ გიოკერესი გუნდის #1 სამიზნე გახდეს. ზემოთ ხსენებული გრანდების გარდა, დიდი შანსია საქმეში სხვა კლუბებიც ჩაერთვნენ.
ჯონათან დევიდის სტატისტიკა ლილში: 202 მატჩი, 97 გოლი, 20 საგოლე გადაცემა;
ვიქტორ გიოკერეშის სტატისტიკა სპორტინგში: 68 მატჩი, 66 გოლი, 19 საგოლე გადაცემა.
