ოფიციალურად: ლიონელ მესიმ ინტერ მაიამისთან კონტრაქტი 2028 წლამდე გაახანგრძლივა. ამერიკულმა კლუბმა ამის შესახებ განცხადება სულ რამდენიმე წუთის წინ გააკეთა.
გასული თვეების განმავლობაში იწერებოდა, რომ ლეგენდარული არგენტინელი შემტევი ინტერ მაიამისთან კონტრაქტს მხოლოდ ერთი წლით გაახანგრძლივებდა, თუმცა როგორც ჩანს, ლიონელ მესის გეგმები შეიცვალა და 38 წლის ფეხბურთელმა კარიერის დასრულება დროებით გადადო.
ლიონელ მესი ინტერ მაიამის ღირსებას 2023 წლიდან მოყოლებული იცავს. არგენტინელმა ამ დროში 82 მატჩის ჩატარება მოასწრო, გაიტანა 71 გოლი და 37 საგოლე გადაცემითაც გამოიჩინა თავი.
