როგორც ცნობილი გახდა, კარლსრუე ბუდუს კონტრაქტს 2027 წლამდე სთავაზობს. განიხილება ხელფასის საგრძნობლად გაზრდაც. ამჟამად საქართველოს ნაკრების ფეხბურთელს წლიური ხელფასი €450 000 აქვს. თუმცა აქ არის მეორე ფაქტორიც — 30 წლის ფორვარდს ბუნდესლიგაში თამაშის დიდი სურვილი აქვს და იმის მიუხედავად, რომ კარლსრუეში ბედნიერია, არის შანსი სეზონის ბოლოს მხარეებმა სამომავლო გეგმებს გადახედონ. კარლსრუე 15 ტურის შემდეგ, 23 ქულით, მე-9 პოზიციაზე იმყოფება, გუნდის მთავარი მიზანი კი ბუნდესლიგაში დაბრუნებაა.
ბუდუ გერმანულ გუნდში 2023 წლიდან მოყოლებული თამაშობს. ქართველმა ფეხბურთელმა ამ დროში 59 მატჩის ჩატარება მოასწრო, გაიტანა 24 გოლი და 5 საგოლე გადაცემითაც გამოიჩინა თავი.
