ფრანგული პრესა პარი სენ-ჟერმენის ქართველი შემტევის, ხვიჩა კვარაცხელიას შესახებ ახალ ინფორმაციას ავრცელებს — როგორც კლუბთან დაახლოებული წყაროები წერენ, 2026 წლის ზაფხულის სატრანსფერო ფანჯრის დროს, პარიზელებმა რა სახის შეთავაზებაც არ უნდა მიიღონ, კლუბი 25 წლის ფეხბურთელს მაინც არ გაყიდის!
ზემოხსენებული წყაროების ინფორმაციით, ხვიჩა კვარაცხელიას მიმართ ინტერესს ტოპ კლუბები იჩენენ, თუმცა ქართველი ზაფხულში პარი სენ-ჟერმენს არ დატოვებს, მეტიც, ამის შანსი 0%-ს უდრის. ლუის ენრიკესთვის კვარა ხელშეუხებელია და ეს ყველა დაინტერესებულმა კლუბმა კარგად იცის.
ამ ყველაფერს ემატება ქართველის პოზიციაც, რომელიც ყველასთვის კარგადაა ცნობილი — ხვიჩა კვარაცხელია პარიზში ბედნიერია და უახლოეს მომავალში გუნდის გამოცვლას არ გეგმავს.
