ტრანსფერი დროის საკითხია — ანსუ ფატი ბარსელონადან კარიერას მონაკოში გააგრძელებს! მხარეებს შორის წინასწარი სიტყვიერი შეთანხმება უკვე არსებობს, კლუბები კი გარიგების ბოლო დეტალებს წესით და რიგით უახლოეს 48 საათში მოაგვარებენ. საუბარია 1-წლიან იჯარაზე, რა დროსაც მონაკოს ფეხბურთელის გამოსყიდვის უფლებაც ექნება.
ანსუ ფატისთვის სამწუხაროდ, მისი კატალონიური კარიერა ვერც ჰანსი ფლიკმა შეცვალა. 22 წლის ფეხბურთელს 2024/25 სეზონიც ძალიან უფერული ჰქონდა, შესაბამისად, მონაკოში იჯარა მისთვის კიდევ ერთი შანსი იქნება.
ახალგაზრდა ესპანელ ფეხბურთელს ბარსელონასთან არსებული კონტრაქტი 2027 წლამდე აკავშირებს. რაც შეეხება მონაკოსთან მიღწეულ გარიგებას, ფრანგულ კლუბს სეზონის ბოლოს ანსუ ფატის გამოსყიდვა დაახლოებით €15-20 მილიონად შეეძლება. ბოლო მომენტში რაიმე გაუთვალისწინებელი თუ არ მოხდება, ანსუ ფატის მონაკოში ტრანსფერი მიმდინარე თვის ბოლომდე გაოფიციალურდება.
